Mijá doajmmaguovlo
Lábttjim gávnnu juohkka sajen sebrudagán. Luondulasj lábttjim sjaddá iehtjádij siegen várrelássás, biejves ja ilmes. Lábttjim la aj ulmutjis dagádum: skihpasujton lábttjim aneduvvá ájtsatjit ja dálkudittjat umasse dávdajt.
Atomafábmobuvtadagá sisanedi boalldemav mij lábttjimav dahká. Mobijllatelefåvnå, bássastasjåvnå, solariuma, fábmoliedniga ja muhtem rusta industridjan lábttjimav vaddi- máhttá guhka listav dahkat..
Laseda sihkarvuodav ja ráddjit vádájt lábttjimijn de åvdedip lábttjimsihkar sebrudahkaj umassláhkáj
Atomafábmo
Atomafábmo l mijá rijka fábmodoalvvoma oasse. Rávka ja gáhttit ja gähttjat sihkarvuohtabargov de váksjup dåjmaduvvá lábttjimsihkarvuodajn. Gähttjap atomaábnnasa ja atomateknijkalasj rusta e boade gullumahtes bájnatjimfábmuj. Váksjup bargge ja birás nåv binná lábttjimis gå máhttelis dejvadalli.
Varresvuohta- ja skihpasujtto
Lábttjima umasslágasj tjerda aneduvvi åtsådittjat ja dálkudittjat patientajt, buojkulvissan röntgenåtsådimijn ja bårredávddadálkudimijn. Gárvvip njuolgadusájt gåktu lábttjim galggá aneduvvat sujton ja gähttjap vaj jegaduvvi suoddjitjit patientajt, barggijt ja álmmugav.
Åtsådibme ja industriddja ja vuojtulasj buktaga ja dievnastusá
Lábttjim aneduvvá åtsådimen ja industridjan, iehtjádij siegen laboratåvråjn ja dåjmadagájn. Mihttimrusta rádioaktijvalasj ábnnasij, buollemvárrodiddje, soláriuma, laservuosediddje ja lármmajuovsa li buojkulvisá buvtagijda ma li vuododum lábttjima adnuj. Dakkir buktagijda mierredip rádjá- ja njuolgadusárvojt. Rávkkap aj åvdåsvásstediddjijs vaj adno sjaddá lábttjimsihkar.
Luondulasj lábttjim
Lábttjim gávnnu juohkka sajen luondon. Mijá viddno l diededit vádáj birra ja dagoj birra binnedittjat luondulasj lábttjima sávadahtes båhtusijt. Buojkulvisá luondulasj lábttjimij la lábttjim biejves, radonas ja ilmes.
Rádioaktijvalasj bátsidisá
Atomafábmobuvtadagá doajmma dahká rádioaktijvalasj bátsidisájt ja anedum boalldemav majt hähttu ábjjat. Rádioaktijvalasj bátsidisá sjaddi aj ietjá industridjan, sujton ja åtsådimen. Luondulasj rádioaktijvalasj ábnnasijt aj dárbaj ábjjat sämmiláhkáj gå bátsidisá. Rávkkap åvdåsvásstediddjijs vaj bátsidisá dåmaduvvi lábttjimsihkar láhkáj. Oassálaste aktijbargojn goappátjagá EUan ja globálalattjat de viehkedip vil åvdedit lábttjimsihkarvuodav rijkajgasskasattjat